 |
| 👬Estudante Kontente Simu Sollar buddy |
Ekipa voluntariu husi MAHON - Training Center ou Fundasaun Many Hands One Nation (MAHON), Civil Society Education Partnership - CSEP, Chefe do Suco Beco distribui Solar Buddy ba estudante nain 220 no professor nain 21 iha eskola 4 iha Suco Beco, Munisipiu Covalima mak hanesan EBC Gala, Bibel, Teda no Tobur hodi estudante no professor sira bele uza ahi-oan Solar Buddy iha tempu kalan. Solar Buddy refere hanesan Ahi-oan ne'ebe estudante sira bele uza durante tinan 2-4, iha tempu loron bele habai iha loro-matan no tempu kalan bele halo lakan no uza ba estuda inklui halo naroman uma laran.
Aldeia 4 refere desde tempu Portugues nian too ukun-an tinan 23 liu ona maibe seidauk asesu ba electrisidade, estrada, postu saude inklui fasilidade eskola. Tamba ne'e mak Fundasaun MAHON servisu hamutuk ho CSEP, @Spent It Well Foundation husi Australia, Kompania @Solar Buddy husi Australia hodi uporta estudante ho professor sira iha area 4 refere.
Fundasaun MAHON sei kontinua halo monitorizasaun ba fasilidade hirak ne'e atu estudante ho professor sira bele uza ba tempu naruk no wainhira iha failhansu ou at ruma ekipa Fundasaun MAHON sei troka ou hadia iha eskola sira iha futuru.
Beco, 05 de Setembru de 2023.
Ekipa Fundasaun MAHON ho CSEP
