Fundasaun MAHON lansa relatoriu peskiza “Partisipasaun juventude nian asesu ba iha Sentru Formasaun Tekniku Vokasional Publiku no Privadu ezistente sira iha Timor Leste”

Fundasaun MAHON hala’o peskiza iha Municipiu rua hanesan Manufahe, Postu Administrativu Same Villa no Municipiu Covalima, Postu Administrativu Suai Vila, parseria USAID/Timor-Leste NGO Advocacy for Good Governance Activity

Peskija ne’e rasik ho objetivu atu hodi halibur informasaun konaba partisipasaun juventude nian hodi bele asesu ba iha Sentru Formasaun Tekniku Vokasional Publiku no Privadu ezistente sira iha Timor Leste. Ho meta jeral mak hanesan: Iha tinan 2025, kualidade fasilidade treinamentu vokasional bele ona atende ba foinsa’e sira iha Munisipiu Covalima no Munisipiu Manufahi ho diak hodi kontribui ba hasa’e kualidade formasaun tékniku vokasional no hamenus numeru dezempregu iha Timor Leste.

To total Respondente 201 ne’ebe kompostu husi Munisipiu Manufahe ho nia respondente 100 no Covalima nia respondente 101, husi tespondente hirak ne’e mak hetan redultadu ba dekobrementu hanesan;

Deskobrementun ne’ebe MAHON hetan mak;

Bareira Sosial 50% mak hateten SFTV dok husi hela fatin (Sentraliza det iha Sidade ou Dili), 13% mak hateten Familia ladun Preukupa, 10% mak hateten Kualidade la diak.

Bareira Ekonomi : 50% Kustu ba transporte ne’ebe gasta kada loron hodi tuir SFTV mak  $1 - $2, 46% Kustu ba transporte ne’ebe gasta kada loron  hodi tuir SFTV mak $1, 2% Kustu ba transporte ne’ebe gasta kada loron  hodi tuir SFTV mak  $3 - $5.

Rekomendasaun ba entidade sira hanesan tuir mai:

1. BA SEFOPE Sosializa no fahe informasaun konaba kriteria sira atu asesu ba iha SFTV.

Loke SFTV ba to’o iha nivel Postu Administrativu sira iha teritoriu Timor Leste laran hodi akumula juventude hirak ne’ebe laiha servisu atu  bele asesu no partisipa diak liutan prosesu ne’e

Intensifika kualidade formasaun iha area hirak ne’ebe kondis ho ejijensia merkadu traballu nian

2.BA SEJD Atu loke eventu kompetisaun desportiva sira hodi hasa’e talentu juventude nian

Estabelese Fundu ida ba Jovens sira, hodi finansia projetus ho programas ne’ebé bele apoia jovens sira iha sira-nia dezenvolvimentu rasik (PED 2015);

3. BA MEJD Loke tan eskola tekniku vokasional sira iha teritoriu Timor Leste hodi fasilita juventude sira estuda no hili area espefiku tuir talentu ne’ebe sira iha.

Iha aprezentasaun ne’e apresenta mos rezultadu peskiza ne’ebe ho tema la hanesan husi NGO parseria sira seluk mak hanesan FHTL Fundação Hafoun Timor-Leste, ADTL Associação de Deficientes de Timor-Leste, CBRN-TL Community Based Rehabilitation Network Timor-Leste, FM, Fundasaun Mahein, JSMP Judicial System Monitoring Programme, MDI Mata Dalan Institute, PROSPEK      Programa Spesifiku Fo Prioridade ba Ema Kiak.

Lansamentu relatori ne’e organiza husi USAID/Timor-Leste NGO Advocacy for Good Governance Activity no Partisipa husi Directora USAID iha Timor-Leste, SEFOPE, INDMO, SEJD, MEJD no membru Governu husi ministerio relevante sira.