 |
| FUNDASAUN Many Hands One Nation (MAHON),Juventude Inovativu (JI), Civil Society Education Partnership (CSEP) no ekipa USAID MARKA AUDENSIA HO DG SEFOPE |
DILI – ekipa fundasaun MAHON hasoru malu ho Diretor Geral SEFOPE
Sr.Paulo Alves hodi apresenta relatoriu
peskiza kona-ba menus
assesibilidade ba fasilidade treinamentu vokasional ne’ebé kualidade limita
foinsa’e Timor oan ba oportunidade hadiak ekonomia iha
Timor-Leste,
peskiza nebe halo iha fula Abril tinan 2022 no halao iha munsipiu
Covalima no Munisipiu Manufahe ho descobrementu Save sira bele hare iha website http://www.fundasaunmahon.org/2022/06/fundasaun-mahon-lansa-relatoriu-peskiza.html
no lansa relatoriu refere iha loron 30 fulan Juñu 2022
bazeia ba descobrimentu hirak ne hotu mak ohin 22 de Agosto 2022 ekipa
Fundasaun MAHON marka audensia ho Diretor Geral SEFOPE hodi apresenta Paraser
no entrega mos relatoriu peskiza refere, nune’e Diretor Geral ne Agaredese
Tebes ba ekipa oferese dadus no faktus sira nudar baze fundamental ida hodi
koalia mos iha Parlamentu Nasional hodi aloka mos orsamentu bazeia
rekomendasaun balun ne’ebe pertinente tebes
‘’agradese bai ta-bot sira nia peskiza ne’e hau simu no ami diskute
internalmente no sei lori mos faktus no deskobrimentu sira ne ba iha Parlamentu
nasional hodi koalia mos sobre asuntu sira ne’ebe itabot sira rekomenda, los
duni katak dadaun SFTV nebe akreditadu husi INDIMO hamutuk 27 inklui ita-bot sira nia sentru
(MAHON-training Center) no tanba orsamentu ne’ebe la sufisiente difikulta mos
SEFOPE hodi fasilita no ajuda centru formasaun sira ne hotu, tan ne itabot sira
nia deskobrimentu pertinente tebes atu fortifika nudar evidensia ida ne’ebe ami
sei koalia iha Parlamentu Nasional hodi aloka mos orsamentu no hau mos rekomenda atu ita-bot sira halo
peskiza ne’ebe hanesan ba munispiu sira seluk hanesan Baukau RAEOA nst’’ Tenik
DG SEFOPE Sr. Paulo Alves
Sorin seluk Diretor Executivu MAHON Sr. Angelo Fernandes Salienta
‘’agaradese tebes ba DG nia biban hodi hasoru malu ho ekipa nune’e
rekomendasaun sira ne’ebe MAHON rekomenda mak hanesan :
1. Sosializa no fahe informasaun konaba
kriteria sira atu asesu ba iha Sentru
Formasaun Tekniku Vokasional SFTV.
2.
Loke Sentru
Formasaun Tekniku Vokasional SFTV ba to’o iha nivel Postu Administrativu sira iha
teritoriu Timor Leste laran hodi akumula juventude hirak ne’ebe laiha servisu
atu bele asesu no partisipa diak liutan
prosesu ne’e
3.
Intensifika kualidade formasaun iha
area hirak ne’ebe kondis ho ejijensia merkadu traballu nian
4.
Simplifika sistema proposta sira nune’e Joven
marginalizadu sira bele asesu mos ba
fundus ne’ebe governu fo sai.
5. MAHON
rekomenda ba SEFOPE fo prioridade ba Sentru formasaun sira ne’ebe registadu no
akreditadu husi INDMO atu apoiu sentru sira nia fasilidade ho rekursu sentru
formasaun nian.
6. MAHON halo ona peskiza kona-bá menus assesibilidade ba fasilidade treinamentu vokasional
ne’ebé kualidade limita foinsa’e timor oan ba oportunidade hadiak ekonomia
iha Timor-Leste. MAHON rekomenda ba governu atu
kontinua investe iha setór Formasaun Vokasional sira hanesan Pedreiru,
Hotelaia, Mekanika, Soldadura, Karpintaria, Pedreiro, no mos iha agrikultura,
turizmo, edukasaun no kriasaun oportunidade empregu ba joventude sira.
marka presensa iha audensia ne mak Diretor Geral SEFOPE, Diretor executivu MAHON ho cordenador peskiza no advocacia, diretor Executivu JI, no representante rede Sosiedade Civil parseria ba Edukasaun CSEP, no hetan mos akompanhamentu husi Ekipa USAID/Timor - Leste NGO advocacia ba Atividade boa Governasaun nu'udar doador ba programa peskiza no advocacia ne rasik
Ekipa MAHON
