EKIPA FUNDASAUN MAHON FO TREINAMENTU KONA-BA ADVOKASIA NO PESKIZA BA JOVEM SIRA IHA MUNISIPIU MANUFAHI

 

Same 17 Janeiru 2025

Ekipa fundasaun MAHON fasilita treinamentu kona-ba advokasia no peskiza ba foinsa'e sira hamutuk 57, feto 33 mane 24 iha salaun CCDC, Holarua Same Manifahi. Treinamentu ne'e ho objetivu atu hasae foinsa'e sira nia kapasidade hodi halo advokasia ba problema sosial ho efetivu bazeia evidensia ne'ebe forte.

Iha treinamentu ne'e partisipante sira aprende konseitu baziku sira kona-ba peskiza no aprende mos oinsa identifika problema no halo planu ba advokasia ne'ebe efetivu bazeia ba evidensia ho negosiasaun ne'ebe ho prinsipiu kolabora no kontribui hodi halo mudansa laos kompete.

Treinamentu ne'e rasik fasilita husi Kordenador peskiza no Advokasia fundasaun MAHON nian, Sr. Crispim Gomes De Jesus atividade ida ne'e bele realiza tanba hetan apoiu husi USAID | Timor-Leste NGO Advocacy for Good Governance activity.

Ekipa MAHON agradese ba ekipa CCDC ne'ebe kolabora ona hodi realiza atividade ida ne ho susesu.

Remata

Lee Kontinua

Ekipa MAHON marka audensia ho SEFOPE

 

Ekipa Fundasaun Mahon Marka Audensia ho S. E. Secretário de Estado da Formação Profissional e Emprego Sr. Rogerio Araujo Mendonca.

Tersa Feira 3 Dezembru 2024. Ekipa MAHON hasoru malu ho S. E. Secretário de Estado da Formação Profissional e Emprego hodi apresenta MAHON nia atividade formasaun, deskobrimentu no Rekomendasaun sira kona-ba Kualidade Sentru formasaun hodi responde ba demanda servisu inklui planu atu halo dialogu iha futuru.

iha intervensaun S.E. agradese ba ekipa MAHON nia presensa no simu submisaun rua atu bele sai referensia iha planu no programa sira, S.E salienta se iha posibilidade sei Vizita sentru treinamentu ne'ebe MAHON estabelese iha Covalima ho apoiu husi Gabinete de Apoio à Sociedade Civil - GASC iha Tinan 2023 no 2024, no SEFOPE mos planu hela atu kria seminariu ne'ebe akomula fornesedor formasaun professional hotu no parte relevante seluk iha tinan oin.

ikus liu ekipa MAHON entrega Submisaun husi resultadu peskiza rua hanesan : Kualidade husi sentru treinamentu Vokasional hodi responde ba demanda traballu no fator hirak ne'ebe afeta ba empregabilidade iha Timor Leste.

Audensia ida ne'e no submisaun husi resultadu peskiza rua ne'ebe temi iha leten sai posibel tanba hetan apoiu husi USAID | Timor-Leste NGO Advocacy for Governance activity

MAHON 2024

Lee Kontinua

MAHON apresenta resultadu peskiza ba Vice Primeiru Ministru

 

Dili 04 Novembru 2024.

ekipa fundasaun Many Hands One Nation - MAHON hamutuk ho USAID nia atividade NGO advokasia ba governasaun diak, marka audensia ho Vice Primeiru Ministru, Ministru Coordenador dos asuntos sociais e Ministru dezemvolvimento rural e habitacao Comunitaria Eng. Mariano Sabino Lopes ''Assanami'' hodi apresenta resultadu peskiza kona-ba kestaun ''empregabilidade no kualidade sentru formasaun iha Timor Leste'' . 

Coordenador Peskiza no Advokasia MAHON nian Crispim Gomes de Jesus apresenta resultadu peskiza ne ba Vice primeiru ministru no hetan reasaun positiva husi Vice Primeiru Ministru. 

iha tempu ne'e kedas Vice peimeiru ministru husu atu akumula deskobrimentu ho rekomendasaun hodi submete ba Exelensia nune'e bele asina hodi distribui ba ministeriu relevante sira hodi toma konsiderasaun iha formulasaun politika no programa no ministeriu ne'ebe tutela ba Vice Primeiru sei kontrolu direta. 

alem MAHON NGO parseria seluk hanesan ADTL,Belun,CBRN-TL,JSMP,F-HTL,FONGTIL,MDI no Prospek mos apresenta sira nia resultadu peskiza tuir asuntu ida-idak ninian. 

atividade ne'e bele realiza tanba hetan apoiu husi USAID Timor Leste NGO advocacy for good governance activity. 

Atu hetan relatoriu kona-ba peskiza ne'e favor kontaktu ami iha : 

Director@fundasaunmahon.org 

advocacy@fundasaunmahon.org

Lee Kontinua

Ekipa Fundasaun MAHON fo treinamentu LIDERANSA INKLUZIVU NO IGUALIDADE GENERU, INKLUZAUN SOSIAL ba estudante sira iha Sentru formasaun CCDC Holarua, Same Manufah

 

Treinamentu ne'e ho objetivu atu eleva konesimentu Jovem sira nian iha area Lideransa no igualidade generu inkluzaun sosial hodi kontribui ba kualidade rekursu umanu iha Timor Leste.

atividade ida mos nu'udar atividade envolvimentu konstituante nian hodi halo advokasia ba kualidade husi Sentru formasaun vokasional iha Timor Leste.

Treinamentu ne'e halao iha loron 23 Fulan Outubro 2023 no hetan apoiu husi USAID | Timor-Leste NGO Advocacy for Good Governance Activity

Ekipa MAHON agradese ba apoiu husi USAID no agradese mos ba ekipa CCDC ne'ebe kolabora ona hodi realiza atividade ne ho diak.

Lee Kontinua

FUNDASAUN MAHON FAHE LAMPU SOLLAR BA KOMUNIDADE SIRA IHA AREA RURAL

Covalima.

Fundasaun MAHON fahe sollar buddy ba komunidade sira iha Aldeia Teda, tobur, gala, tudilpo, no halik, Suku Beco posto Adm. Suai Vila Munisipiu Covalima;

Apoiu ida ne MAHON halo hodi tulun familia vulneravel sira nune'e bele fo naroman iha tempu kalan, tanba aldeia hirak ne'e seidauk asesu ba linha eletrisidade desde Timor Leste hetan ninia independensia iha 2002.

ba ekipa MAHON komunidade sira maioria hateten ''ami sente kontente loos bele hetan apoiu ida ne'e tanba desde ukun an ne'e ami seidauk asesu ba eletrisidade, apoiu ne'e sei tulun fo naroman mai ami iha tempu kalan, no ami nia oan sira bele estuda iha naroman nia laran ho diak, durante ne'e ami uza deit lampu no mina rai hodi halo naroman iha tempu kalan''

sorin seluk ekipa fundasaun MAHON fahe mos Lampu Sollar ki'ik ba estudante sira hodi tulun fo naroman wainhira estuda iha tempu kalan.

Sollar hirak ne'e MAHON fahe tanba hetan apoiu husi parseiru Fundasaun Spend It Well

Lee Kontinua

Sentru Formasaun MAHON Implementa Sistema To'os Integradu Inovativa no Formasaun ba Toos Nain sira iha Suco Beco, Covalima

Fundasaun MAHON implementa Sistema To'os Integradu iha Centru Treinamentu MAHON iha Suco Beco, Munisipiu Covalima.  Programa Toos Integradu Inovativa ne'e kobre area agrikultura hanesan hortikultura, aquakultura, Hakiak Animal karau, manu timor ho Fahi, Produs Adubu Organiku, Kuda Ai-oan aifuan sira, treinamentu ba toos nain foinsae sira.

Programa ne'e hetan fundus kiik husi Gabinete Apoio Sociedade Civil (GASC) iha tinan 2023 ho 2024 no kontinua buka nafatin apoio sira seluk husi parseiru seluk atu halo expansaun ba aktividade agrikultura integradu no atu treina joven toos nain sira seluk iha Covalima.

Visita MAHON nia pajina Facebook iha link ne'e: https://www.facebook.com/share/p/mXkr2G9VF1hSa1N2/ ou bele visita iha ne'e: https://www.facebook.com/share/p/9MEDziMe1cPoN2oC/  

Lee Kontinua

FUNDASAUN MANY HANDS ONE NATION-MAHON LANSA RESULTADU PESKIZA KONA-BA FATOR SIRA NE’EBE INFLUENSIA KOMPANHA SIRA NIA INTERESE HODI REKRUTA GRADUADU HUSI SENTRU FORMASAUN TEKNIKA NO VOKASIONAL

 

foto hamutuk iha eventu lansamentu 

Dili 8-9 Agustu 2024.

MAHON dala ida tan lansa resultadu peskiza kona-ba ‘’fator sira ne’ebe influensia kompanha sira nia interese hodi rekruta graduadu husi sentru formasaun teknika no vokasional’’

peskiza ne’e ho objetivu atu Deskobre informasaun atuál hotu husi kompanhia ou empregador sira hodi tulun Sentru formasaun no mos demonstra situasaun empregador sira nian konaba fatór sira ne’e'ebé influénsia kompania sira-nia interese hodi rekruta graduadu husi sentru formasaun sira.

Peskiza ne’e deskobre katak maioria husi kompanhia/empregadór sira presiza iha área Venda no Merkadoria, Administrasaun, Eletrónika, no Hospitalidade. Empregadór sira kontrata graduadu husi SFTV uza prinsípiu Konhesimentu, Abilidade, no Adaptasaun (KAA) ne’ebé kombinasaun husi konesimentu teorétiku no práktika iha área espesífiku sai fator determinante ba empregadór sira nia interese ba graduadu sira

Kordenador Peskiza no Advokasia apresenta resultadu peskiza iha eventu lansamentu

Lansamentu ne’e hetan partsisipasaun maximu husi : Diretór Misaun USAID Robert Barton no Ministra Edukasaun Dulce Soares hamutuk ho ofisiál governu ho kargu Chefia, Diretor departamentu, Azensia ba Dezemvolvimentu iha Timor Leste inklui OSS no Media.

Iha intervensaun Diretor Centru Informasaun Merkadu no Traballu – SEFOPE hateten apresia ba deskobrimentu sira no informasaun hirak ne’e util tebes atu bele uja hodi dezenha planu no programa sira.

Iha momentu hanesan organizaun parseiru ba USAID nia Atividade advokasia ba governasaun diak hanesan : ADTL, Belun, CBRN-TL,JSMP,F-HTL,MDI,FONGTIL, no Prospek,lansa mos resultadu peskiza ho topiku ne’ebe la hanesan.

iha momentu hanesan organizaun parseiru ba USAID nia Atividade advokasia ba governasaun diak hanesan : ADTL, Belun, CBRN-TL,JSMP,F-HTL,MDI,FONGTIL, no Prospek,lansa mos resultadu peskiza ho topiku ne’ebe la hanesan.

eventu sai posibel tanba hetan apoiu husi USAID | Timor-Leste NGO Advocacy for governance activity.

 

Ba informasaun Klean Favor Kontaktu ami tuir email:

director@fundasaunmahon.org

advocacy@fundasaunmahon.org

Lee Kontinua

Fundasaun Many hands one Nation – MAHON, Lansa Relatóriu Peskiza

 

Fundasaun Many hands one Nation – MAHON, Lansa Relatóriu peskiza

Dili-20 setembru 2023

Fundasaun Many hands one Nation – MAHON, lansa relatóriu peskiza ida ne'e iha salaun HAK farol dili. Lansamentu ne’e halo abertura direta husi Diretór Jerál SEFOPE Sr. Paulo alves iha ninia diskursu hateten Timor leste halo ona Peskiza kona-ba forsa traballu ba dala haat, husi resultadu sira ne nafatin hatudu maiuria husi Dezempregou iha Timor Leste mak Foinsa'e sira, Timor Leste mós iha ona polítika TVET ne’ebé aprova iha 2011 maibé infelismente investimentu sei menus tan alokasaun orsamentu seidauk ultra passa 10%.‘’Se ita la investe ba polítika sira ne oinsá mak ita bele garantia ninia kualidade’’ hateten husi Diretor Geral SEFOPE Sr. Paulo Alves iha abertura lansamentu peskiza husi MAHON, iha salaun HAK farol Dili.

Sorin Seluk Diretór Executivu FONGTIL husu atu Governu investe ba iha área formasaun atu bele hasa’e rekursu umanu iha Timor Leste, ‘’FONGTIL ho nia membru sira nafatin halo advokásia ba Governu tuir mandatu ne’ebé iha atu nune’e Governu bele kria polítika ne’ebé adekuadu’’ tenik Sr. Valentim da Costa Pinto iha ninia diskursu.

Reprezentante husi INDMO Sr. Arlindo da Costa salienta, INDMO.IP agradese ba fundasaun MAHON tanba hala’o peskiza ida ne’e nu’udar peskiza formál ba dahuluk, ‘’ami agradese ba MAHON bele halo peskiza ida ne’e, ita hotu hatene katak INDMO.IP labele haree nia an rasik, nune’e presija mós Sosiedade Sivíl nia koklaborasaun’’ Reprezentante ne’e salienta.

Diretór Fundasaun MAHON Sr. Angelo F. Ximenes, agradese ba parte hotu ne’ebé kolabora iha prosesu peskiza ida ne’e husi inisíu to’o remata. Iha apresentasaun Cordenador peskiza no Advokásia Crispim Gomes de Jesus, aprezenta katak peskiza ne’e espesfika liu ba sentru formasaun ne’ebé hetan ona lisensiamentu operasional husi INDMO.IP hamutuk sentru formasaun 33 sai amostra no kobre Munisípiu 6 neen ( Baucau, Dili, Ermera, Covalima, Manufah no Lautem).

Peskiza ne’e implementa tanba  hetan apoiu husi  USAID activity

Sumariu Relatóriu peskiza bele haree iha link ne’e ;

https://drive.google.com/.../1yPvfEIDRs4y9OD7l7H8.../view...

Lee Kontinua